Ditën e sotme është mbajtur takimi i radhës për Reformën Zgjedhore.
Gjatë takimit u miratua edhe kalendari konkret i punimeve, që do të zhvillohet nga ekspertët e vendosur me konsensus nga opozita, maxhoranca dhe opozita jo parlamentare.
Nga opozita në parlament janë përzgjedhur Arjan Madhi, Shkëlqim Sulo, nga LSI, Muharrem Caka, për PD, Ivi Kaso dhe Tritan Caka për PS.
Në tryezë janë të pranishëm edhe Ilir Rusmajli e Viktor Gumi, në cilësinë e ekspertit të Reformës Zgjedhore.
Palët kanë përcaktuar datën 15 mars, si afatin për të përmbyllur reformën.
Përfaqësuesi i PD, Oerd Bylykbashi, u shpreh se në Këshill do të ketë diskutime edhe për ndryshimin e sistemit zgjedhor.
Ndërsa Rudina Hajdari tha se miratimi i reformës, mund të përfshijë edhe ndryshimin e Kushtetutës.
Gjithashtu gjatë takimit, u miratuan me konsensus çështjet që do të diskutohen dhe afatet përkatëse.
