Nesër në orën 12:00 do të mblidhet në Pallatin e Kongreseve Këshilli Politik. Takimi mes palëve politike ishte parashikuar që të ndodhtë në orën 10:30 të së premtes, por dy përfaqësuesit e opozitës jashtëparlamentare Oerd Bylykbashi dhe Petrit Vasili kanë propozuar që mbledhja të zhvillohet në orën 12:00.
Në letër thuhet se në mbledhjen e fundit të Këshillit Politik nuk pati koncensus për zhvillimin e takimit të premten, pasi u refuazua kërkesa e Opozitës për mbeldhje të merkurën por duke harruar të gjitha këto Opozita konfirmon pjesëmarrjene saj në takim në orën 12:00.
Letra e plotë e Opozitës:
Z.Gjiknuri. Ne mbledhjen e fundit te Keshillit politik nuk pati asnje dakordesi per te zhvilluar mbledhje diten e premte. Ju gjithashtu refuzuat kerkesen tone per mbledhje te Keshillit Politik diten e merkure. Kjo logjike e funksionimit te njeanshem eshte krejt e kundert me menyren e ndertimit dhe funksionimit te Keshillit Politik, ku qofte ditet e mbledhjeve ashtu edhe rendi i dites jane dakordesuar konsensualisht me pare. Megjithate duke e konsideruar kete si nje veprim te gabuar tuajin por qe nuk do perseritet më, konfirmojme pjesmarrjen tone dhe propozojme qe mbledhja te zhvillohet ne oren 12.00. Oerd Bylykbashi Petrit Vasili
Ndërkohë nga ana tjetër kërkesa e bërë nga opozita jashtëparlamentare, është pranuar nga socialisti Gjinuri, i cili shkurt ka kthyer përgjigje pozitive.
“Mirëmbrëma. Ju njoftoj se me kërkesën e opozitës jashtëparlamentare, mbledhja e Këshillit Politik është spostuar për në orën 12:00. Pra, nesër në orën 12:00 në të njëjtin vend. Thnx”, shkruan Gjiknuri.
Në takimet e zhvilluara të Këshillit Politik, opozita ka propozuar të merret mendimi i OSBE/ODIHR për çështjen e koalicioneve, por është shprehur gati për hapjen 100% të listave. Ndërkohë, Gjiknuri i vendosi afat ditën e premte partive politike që të sjellin propozimet për pragun kombëtar zgjedhort, afatet e paraqitjes së listës unike nga aleancat si dhe duhet të propozojnë mënyrën si do të kryhet akti procedurial i votimit për kandidatët në kushtet e listave të hapura duke ruajtur kuotat gjinore.
