Ditën e sotme Kryetarja e Këshillit të Integrimit Europian, Jorida Tabaku foli në mbledhjen e këtij Këshilli, ku të pranishëm ishin përfaqësues të shoqërisë civile dhe institucioneve.
Tabaku deklaroi se procesi i integrimit ka nisur prej disa vitesh tashmë, por Shqipërisë përgjatë viteve i janë shtuar kushtet.
Megjithatë znj.Tabaku u shpreh se gjatë këtyre viteve vendi ka ndërmarrë dy reforma të rëndësishme , atë të Reformës në Drejtësi dhe Zgjedhore. Qeveria ka dështuar të përmbushë kushtet për të çuar më tej procesin e integrimit edhe pse opozita ka qenë përherë një faktor pro-europian.
Kryetarja e Këshillit vuri në dukje se metodologjia e ndjekur nga Shqipëria nuk është e stamdartizuar me kërkesat e Komisionit të Zgjerimit të BE. Ajo vuri në dukje se kjo situatë do të jetë problematike në lidhje me përmbushjen e kushteve.
Znj Tabaku vuri në pah edhe kontributin e z Soreca por shtoi se fatkeqësisht qeveria refuzoi të dëgjonte shpesh këshillat e tij. Ajo risolli në vëmendje se z Soreca ka qenë I pranishëm në vend që prej liberalizimit të vizave.
Shqipëria, sipas saj, ka marrë ndihmë në lidhje me tërmetin, situatën e CODI-19 dhe sidomos sot.
Nga ana tjetër, zgjedhjet mbeten ende një problematikë e madhe për vendin. Zgjedhjet e 25 prillit dhe raporti i Komisionit Europian treguan se shitblerja e votës mbetet ende një problematikë për vendin.
Znj.Tabaku u shpreh se procesi i integrimit kërkon bashkëpunim por vullnet të qeverisë për të marrë hapa konkret të prekshëm për të përmbushur kushtet.
Ajo në përfundim deklaroi se opozita kërkon që të zhvillohet sa më shpejt Konferenca e Parë Ndërqeveritare, jo se ne i kemi përmbushur kushtet por sepse në atë formë do të kemi një mbikqyrës për ecurinë tonë.
