Xhaxhai i autorit të vrasjes makabre ne Fier, Klodian Çalamanit ka deklaruar se do të firmos peticionin që ai të dënohet me vdekje.
I moshuari për emisionin “Me zemër të hapur” në “News 24” është shprehur se ditën e ngjarjes ai ishte si normalisht, madje e ka parë afër shtëpisë duke kërkuar bashkë me familjen e Mateos.
“E mora vesh lajmin se këtu jetojmë këtu afër dhe jemi komshinj. Unë jam mbyllur brenda nuk kam dalë as unë as familja pasi ne na i ka ndaluar edhe policia. Unë e dënoj veprimin e nipit dhe do të firmos për dënimin me vdekje. Ai është rritur i vetëm pasi nëna e tij para se të ndërronte jetë i shoqi u largua në Maqedoni mori edhe fëmijët me vete. Nipi im u kthye rreth moshës 15-vjeçar dhe nuk ka pasur marrëdhënie me nënën dhe motrën dhe vëllain.
Ai jetonte me të ardhura të pakta dhe ishte një njeri që pinte alkool. Ditën e ngjarjes ai ishte si normalisht madje e pash aty afër shtëpisë duke kërkuar bashkë me familjen e Mateos. Mateo vinte te shtëpia këtu luante me fëmijët, e dënoj veprimin e tij, më telefonuan edhe motra e tij edhe vëllai dhe ata e dënuan këtë veprim dhe madje më pyetën se kush ishte qëllimi i tij.”, tha xhaxhai i Klodian Çalamanit.
