Gjykata e Posaçme kundër Korrupsionit dhe Krimit të Organizuar ka rrëzuar kërkesën e deputetes Monika Kryemadhi për revokimin e masës së sigurisë “detyrim për t’u paraqitur”.
Vendimi u dha sot nga gjyqtari Erjon Çela, i cili vendosi të mos e pranojë kërkesën e paraqitur më 2 prill 2025.
Sipas njoftimit zyrtar të GJKKO-së, trupi gjykues u mbështet në nenet 112, 260 dhe 246/6 të Kodit të Procedurës Penale për të lënë në fuqi masën e caktuar më herët.
Monika Kryemadhi është nën hetim nga SPAK për tre akuza, pastrim parash, korrupsion dhe mosdeklarim të pasurisë. Që prej 23 tetorit, ajo është e detyruar të paraqitet çdo muaj pranë zyrave të Policisë Gjyqësore të SPAK, në kuadër të hetimeve që po zhvillohen ndaj saj.
