Gjykata e Posaçme e Apelit ka vendosur të lërë në fuqi masën “arrest në shtëpi” për Jamarbër Malltezin, dhëndrin e ish-kryeministrit Sali Berisha.
Malltezi kishte kërkuar shfuqizimin e masës, duke argumentuar se nuk ekzistojnë më kushtet ligjore për të mbajtur në fuqi këtë vendim.
Prej nëntorit 2023, ai ndodhet në izolim shtëpiak, pas një periudhe të shkurtër në paraburgim.
Malltezi është marrë i pandehur në lidhje me dosjen “Partizani”, ku akuzohet për “korrupsion pasiv” dhe “pastrim parash”.
Në të njëjtën dosje, është i përfshirë edhe kryedemokrati Sali Berisha, i cili aktualisht ndodhet nën masën “detyrim paraqitje”, sipas akuzave të ngritura nga SPAK.
