Ish-nëndrejtori i spitalit të Sarandës, Florenc Llanaj, nuk rezulton i prekur nga COVID-19.
Konfirmimi erdhi për Gjykatën e Posaçme ditën e sotme nga Instituti i Shëndetit Publik.
Llanaj kërkoi ndryshimin e masës së sigurisë nga “Arrest në burg” në “Arrest shtëpie”, pas dyshimeve se ishte prekur nga koronavirusi.
Ai qëndronte prej një viti në burgun 302, ndërsa gjatë periudhës së pandemisë, Llanaj shfaqi probleme me shëndetin, si temperaturë dhe dhimbje fyti.
Për këtë arsye avokati i tij kërkoi zhvillimin e analizës për COVID-19.
Florenc Llanaj është një nga 14 të arrestuarit e grupit që transportonin drogë nga Shqipëria drejt Greqisë.
Më 19 maj të 2019, policia goditi grupin i cili drejtohej nga Kejdi Sadushi.
Kyi fundit kishte pak kohë që ishte kthyer nga Greqia ku ishte dënuar për trafik droge dhe riorganizoi grupin.
