Apeli i Gjykatës së Posaçme ka rrëzuar kërkesën e ish-gjyqtares së Elbasanit, Pajtime Fetahu, për lirimin nga qelia, duke e konsideruar të pabazuar kërkesën e saj për shkak të shëndetit.
Fetahu akuzohet për lidhje me dy grupe kriminale, atë të Hajdar Çopjas dhe të Suel Çelës, dhe dyshohet se ka dhënë informacion sekret për ta, duke përfituar në këmbim para dhe sende të tjera.
Sipas SPAK, Fetahu është përfshirë në korrupsion dhe ka pasur marrëdhënie të afërta me anëtarët e grupeve kriminale, përfshirë dyshimet për përfshirjen e saj në eliminimin e kundërshtarëve të bandave.
Ish-gjyqtarja dha dorëheqjen nga sistemi i drejtësisë më 16 nëntor 2022, vetëm disa ditë para se të kalonte në procesin e Vettingut.
Fetahu është nën hetim për dy dosje të rëndësishme që lidhen me grupet kriminale të Elbasanit dhe është arrestuar pas një urdhri të SPAK, bazuar në hetimet për Suel Çelën dhe lidhjet e tij me ish-zyrtarët e drejtësisë, përfshirë edhe gazetarin Saimir Kodra, i cili ka denoncuar lidhjet e saj me krimin e organizuar.
Po ashtu, dyshohet se ajo ka urdhëruar dhunën ndaj gazetarit Gjergj Zefi.
Gjatë hetimeve, është zbuluar se Fetahu ka pranuar para dhe monedha floriri nga anëtarët e bandave të Elbasanit, ndërsa këto lidhje dhe financime janë përdorur për të mbrojtur krimin e organizuar dhe për të ndihmuar në realizimin e qëllimeve të grupeve kriminale.
