Gjykata e Posaçme e Apelit për Korrupsionin dhe Krimin e Organizuar njoftohet se ka regjistruar ankimimet e liderit të opozitës, Sali Berisha për ndryshimin e masës së sigurisë dhe përjashtimin e gjyqtares Irena Gjoka nga çështja e tij.
Berisha me përfaqësues akvokatët e tij ka kundërshtuar masën e ‘arrestit shtëpiak’, që u caktua nga GJKKO më 30 dhjetor. Sipas shortit, trupi gjykues që do të shqyrtojë ankimimet përbëhet nga gjyqtarja Iliriana Olldashi.
“Gjykata e Posaçme e Apelit për Korrupsionin dhe Krimin e Organizuar regjistroi çështjen penale nr. 27 akti, datë 16.11.2023 regjistrimi, mbi ankimin e personit nën hetim S.B. me objekt: “Ankim ndaj vendimit nr. 520, datë 30.12.2023 (disponuar mbi kërkesën për zëvendësimin e masës së sigurimit personal) dhe vendimit nr. 521, datë 27.12.2023 (disponuar mbi kërkesën për përjashtim gjyqtari) të Gjykatës së Posaçme të Shkallës së Parë për Korrupsionin dhe Krimin e Organizuar”.
Sipas shortit, trupi gjykues monokratik përbëhet nga gjyqtarja Iliriana Olldashi.”, thuhet në njoftimin e Gjykatës së Posaçme.
