Presidenca e Kosovës ka konfirmuar për RTK se në adresën zyrtare elektronike është pranuar një e-mail me përmbajtje kërcënuese ndaj Presidentes Vjosa Osmani.
Mesazhi përmban gjuhë fyese dhe etiketime si “kriminele”, “ordinere” dhe “antikushtetuese”, si dhe përmban kërcënime serioze ndaj jetës së saj.
Sipas zyrtarëve të Presidencës, rasti është raportuar menjëherë pranë organeve ligjzbatuese për hetime të mëtejshme.
Ata shtojnë se nuk bëhet fjalë për një incident të izoluar, pasi edhe më parë janë regjistruar dhjetëra raste me përmbajtje të ngjashme kërcënuese ndaj institucionit dhe figurës së Presidentes.
Më poshtë gjendet foto e mesazhit të dërguar në adresën zyrtare të Presidencës së Kosovës.
