Një 40-vjeçar i identifikuar me emrin Spartak Çela ka kërcënuar me armë punonjësit e Task Forcës në fshatit Buzaishtë të Pogradecit.
Incidenti ka ndodhur sot kur punonjësit kanë shkuar në këtë fshat për verifikimin e personave me ndihmë ekonomike. Kur kanë mbërritur në banesën e Çelës, 40 vjeçari, u ka dalë përpara dhe i ka kërcënuar me armë.
Ai fillimisht ka debatuar me shoferin e Task Forcës dhe më pas kanë ndërhyrë edhe persona të tjerë. Pas konfliktit Çela u ka kërkuar falje, teksa ka shpjeguar se është keqkuptuar dhe mendonte se ata ishin efektivë të policisë. Pas kësaj ai është larguar në drejtim të paditur.
Nga verifikimet u zbulua se Çela është një person i shpallur në kërkim për vrasje mbetur në tentativë prej dy vitesh. Ai ka plagosur shokun e tij në një lokal dy vite më parë dhe që prej atij momenti është shpallur në kërkim.
