Prokuroria ka vendosur të pushojë hetimet për akuzën e pastrimit të parave për Emiljano Shullazin dhe biznesmenin, Ylvi Beqja.
Shkak për këtë vendim është bërë mungesa e elementëve të veprës penale, shkruan Panorma.
Gjatë leximit të pretencës për Shullazin Prokuroria e Krimeve të Rënda, përmendi edhe kërcënimin ndaj Beqjas, për çështjen e ish-hotel “Vollgës” në Durrës.
Organ i akuzës, ka dalë në konkluzionin, se ka qenë vetë biznesmeni, i cili mbronte interest e “Saudi Brothers, që ka kërkuar ndihmën e Shullazit për regjistrimin e pronës.
Në të njëjtën kohë, pronësia pretendohej edhe nga shtetasi Zamir Hasa.
Po sipas Prokurorisë së Krimeve të Rënda Beqja përmes një personi, ka zhvilluar një takim me Shullazin.
Gjatë takimit në shtëpinë e Shullazit tek ish-Parku i Autobsëve, Beqaj i premton 20% të pasurisë, në këmbim të ndihmës.
Gjithashtu palët kanë nënshkruar një akt noterial, në lidhje me këtë premtim.
Më pas mësohet se Shullazi ka ndërruar mendje dhe përmes kërcënimit, ka detyruar Beqjan, që të firmos për 30% të vlerës së pronës.
Gjatë takimeve me biznesmenin, Shullazi ishte i shoqëruar nga Gilmando Dani, Endrit Zela dhe Endrit Qyqja, të cilët janë identifikuar nga Beqja dhe janë marrë të pandehur.
Të 3 këto persona kanë tërhequr para nga banka për llogari të Emiljano Shullazit, në shuma që variojnë nga 25 mijë deri në 40 mijë euro.
Ndërkohë Ylvi Beqja pretendon se u ka dhënë para të tjera të pandehurve kundrejt kërcënimit, por jo nëpërmjet bankës.
