Këngëtarja Rozana Radi ka rezultuar pozitiv me koronavirus. Artistja i është nënshtruar dy testeve të njëpasnjëshme.
Në të parin ajo doli negative, por Radi iu nënshtruar sërish testit pasi kishte pasur kontakt me kolegen e saj, gazetaren Fiori Dardha e cila ka zbuluar më parë pozitivitetin me koronavirus.
Ajo shton se është karantinuar dhe po merr mjekimin në shtëpi dhe zotëron një gjendje të qëndrueshme shëndetësore.
“Pas nje rezultati Negativ riperserita tamponin dhe…. POZITIV . Jam karantinuar dhe po marr mjekimin e nevojshëm duke u konsultuar me mjekun e familjes. Për momentin jam ne gjendje te qëndrueshme shpresojmë te shkoj gjithçka mire!” shkruan Radi në postimin e saj.
Radi shkruan se miq të saj, janë të infektuar me Covid-19 dhe madje kanë pasur nevojë për shërbim mjekësor. Më tej, artistja shton se disa janë keq në spital.
Më herët Radi ka mbajtur qëndrime pro ruajtjes së distancës sociale për mbrojtjen e vetes dhe të të tjerëve.
“Për mua çdo individ, i cili nuk mban maskë, nuk mban distancim social është një “ínjorant” dhe kjo pandemi më bëri të kuptoj që Shqipërinë e shkatërruan shqiptarët. S’më plas fare për politikë as s’dua t’ia di… Kam miq të shtruar në spital, të cilët janë mosha ime dhe janë keq. Ndaj ju lutem nëse keni ndërmend të merrni në qafa ata që i respektojnë këto rregulla, lidhni një gur në qafë vetë dhe mbysni veten tuaj”, ka shkruar Rozana në një postim tjetër, më parë.
/GazetaReforma.com/
