Një piktor është dënuar me 1 vit burg nga Gjykata e Tiranës, pasi përndiqte një mësuese gjimnazi në Kamëz dhe vajzën e saj.
‘Shqiptarja.com’ shkruan, se P.M. prezantohej si punonjës në kryeministri dhe këshilltar për artin dhe kulturën i Ramës.
Mësuesja e anglishtes nga Vlora me iniciale S.T., ishte e divorcuar dhe punonte në Kamëz.
Me M.P. ajo ishte njohur nëpëmjet rrjetit social ‘Facebook’.
Piktori i kërkonte mësueses, që të bënte kurs për djalin e tij.
Më pas piktori i kishte kërkuar mësueses takime të vazhdueshme dhe deri te krijimi i një lidhjeje, që më pas sipas tij do të konkretizohej në martesë.
Gjithashtu ai ka shkuar edhe në banesën e mësueses për t’i kërkuar kërkuar dorën.
Ata janë takuar në një lokal në Durrës, por S.T. pohoi në Prokurori, se nuk ka pranuar kurrë të krijojë lidhje intime me piktorin.
Pasi konsumuan kafen në Durrës, piktori së bashku me mësuesen dhe vajzën e saj janë nisur për në lagunën e Patokut, ku kanë konsumuar një drekë.
Më pas ata kanë kryer rite fetare në kishën e Laçit dhe në kthim kanë konsumuar sërish një kafe.
Mësuesja ka pohuar në Prokurori se kishte vendosur të shkëpuste të gjitha kontaktet me këtë person, pasi i dukej shumë posesiv dhe këmbëngulës për të kryer marrëdhënie seksuale.
Gjithashtu ajo është shprehur se kishte krijuar besim tek ky person, për shkak të statusit social që i kishte prezantuar.
Po sipas rrëfimit të mësueses, piktori ishte paraqitur edhe si pronar i lokalit, teksa ishin duke pirë kafe.
Pas takimit mësuesja ka vendosur të mos e takojë më këtë person, por piktori për një periudhë tre mujore, i ka dalë përpara në rrugë, duke e shantazhuar dhe kërcënuar.
P.M. telefononte dhe drejtorin e shkollës duke u prezantuar si punonjës i kryeministrisë dhe kërkonte numrin e mësuese.
Ndër të tjera, në adresën elektronike të mësueses dhe vajzës së saj kanë mbërritur mesazhe kërcënuese dhe shantazhuese si: “Do ta shohësh se çfarë do të bëj”.
Pas një serie kërcënimesh S.T. ka denoncuar këshilltarin e rremë dhe menjëherë ky i fundit është arrestuar.
Pak ditë më parë ai është dënuar me 1 vit burg nga Gjykata e Tiranës.
