Gjatë një konference për shtyp, Presidenti Ilir Meta është shprehur i vendosur se për aq kohë sa të jetë President i Shqipërisë do të zbatojë vetëm Kushtetutën.
I pyetur nga gazetarët për lidhjen e tij me Reformën në Drejtësi, Meta u shpreh se mbi të është vetëm Kushtetuta dhe se as të gjitha vendet e aleancës nuk do e detyronin dot ta shkelte atë.
“Këto muhabete Rilindjeje lëri në vend tjetër, nuk merrem me këto histori dhe punë aq më tepër me thashetheme. Kryetari i shtetit bën detyrat, mbi mua është vetëm Kushtetuta dhe mbi të vetëm populli.
Sikur të gjitha vendet e aleancës të bashkohen s’mund të më detyrojnë dot të shkel Kushtetutën e Republikës”, u shpreh Meta.
Edhe për konsensusin për Kodin Zgjedhor, presidenti Meta u shpreh se e pret me padurim dhe se do ta miratojë atë sapo të bëhet e mundur.
Meta paralajmëron se do të shpallë ditën e ardhshme të zgjedhjeve dhe le të futet kush të dojë më pas.
“Ju keni shqetësimin se çfarë ndodh me Kodin Zgjedhor.
Duke qenë se unë jami parashikueshëm. Siç ju kam thënë vjet këtu, që nëse nuk bëhen zgjedhje lokale, Shqipëria ngel në klasë në tetor, merr në qafë Maqedoninë e Veriut, se është kriteri i Kopenhagenit, se ato ekzistojnë në Bruksel. Dhe u rritën kushtet.
Tani tek Kodi, unë besoj shumë. Jam shumë i entuziazmuar, cicërimat që ka progress për Këshillin Politik. Ta duartrokisni këtë.
Do e firmos atë consensus menjëherë.
E zëmë se palët nuk ranë dakord. Unë do shikoj nëse është në përputhje me kushtetutën, të njëanshme, kam në dorë ta kthej një herë. Në çdo rast me konsensus, sepse këtu ka shumë.
Në hapësirën kohore që Kodi do më lejojë me konsensus apo jo, do shpall ditën e ardhshme të zgjedhjeve të përgjithshme, sepse të gjithë presin këtë, por edhe sado pak më legjitim një parlament se sa ky që është.
Nëse Kodi Zgjedhor nuk miratohet me konsesus, zera çeljesh negociata me BE. Jo deri në zgjedhjet që vijnë por edhe pas zgjedhjeve që vijnë.
Përgjegjësia do jetë e atyre që thonë kush të dojë të hyjë në zgjedhje, kush të dojë le të mos hyjë në zgjedhje.”- tha Meta.
