Paraditen e sotme deputeti eurogjerman po zhvillon konferencën për mediat, teksa është pyetur në lidhje me zhvillimet e fundit në Partinë Demokratike.
I vendosur përballë pyetjes nëse e njeh Sali Berishën si kryetar të Partisë Demokratike apo Enkelejd Alibeajn, Adis Ahmetoviç u shpreh se nuk mund të komentojë çdo gjë që ndodh në vend me politikat e brendshme, por ajo që ai theksoi ishte fakti që Gjermani mbështet pozicionin e qeverisë shqiptare sa i përket agjendës së politikës së jashtme dhe integrimit të vendit
“Unë nuk mund të komentoj gjithçka që ndodh në politikën e brendshme. E thashë shumë qartë pozicioni i qeverisë dhe i shumicës në parlamentin shqiptar është i duhuri…Ju po luftoni vit pas viti për të hedhur hapat e mëtejshëm për t’u bërë pjesë e BE. Por iu desh të prisni sërish, megjithatë Shqipëria nuk ndali së punuari për këtë ide të BE, kështu që qeveria, partitë politike në parlament kanë mbështetjen tonë të plotë për këtë agjendë”, tha Adis Ahmetoviç.
Ndërsa gjithashtu ai u pyet edhe për një çështje të “nxehtë”, ndarjen e Shqipërisë nga Maqedonia e Veriut nëse kjo e fundit nuk arrin që të zgjidhë ngërçin me Bullgarinë.
Por eurodeputeti gjerman u shpreh se duke marrë parasysh kohën në të cilën jetojnë, dy vendeve u leverdis më shumë që të ecin së bashku.
Sipas Ahmetoviç, me rëndësi në këtë moment është që të promovohet sa më shumë propozimi francez në mënyrë që t’i hapet edhe rruga proceseve të mëtejshme euro-integruese.
“Duam shohim që Shqipëria dhe RMV ta shohim në të njëjtën kohë në këtë proces. Të dyja vendet e meritojnë këtë hap. Ata kanë bërë shumë punë, ndryshuan emrin e vendit pa konflikte, e njohim situatën në Ballkan, për gjuhën, identitetin, çështjet fetare. Franca ka arritur të bëjë përpjekje për një zgjidhje. Kështu që le të promovojmë këtë zgjidhje, kemi një javë kohë të bindim parlamentit për këtë zgjidhje. Në këtë situatë mjaft të vështirë e botën, gjëja më e mirë është që dy vendet të ecin së bashku në këtë drejtim”, deklaroi eurodeputeti.
