Katedralja “Notre-Dame” në Paris, e cila u dëmtua rëndë nga zjarri në prill të vitit 2019, do të rihapet për herë të parë pas 5 vitesh restaurimi.
Presidenti francez Emmanuel Macron ka inspektuar përparimin e punimeve gjatë një turi të fundit në kantierin e rindërtimit. Pas dëmit të shkaktuar nga zjarri, i cili shkatërroi majën dhe çatinë e katedraljes, Macron premtoi se do të rindërtohet dhe do të jetë më e bukur, me një afat për ta përfunduar brenda pesë viteve.
Pjesa e brendshme e katedraljes, që ka qenë e mbyllur për vizitorët dhe besimtarët që nga zjarri, do të jetë e hapur për publikun më 8 dhjetor të këtij viti.
Megjithatë, skelat që mbështesin majën e sapo restauruar do të mbeten deri në vitin 2025 dhe do të vazhdojnë të jenë në pjesën lindore të katedraljes për disa vjet më shumë.
Edhe pse rindërtimi ka avancuar, ende ka punë të mbetura dhe rreth 140 milionë euro janë mbetur të papërdorura në buxhetin për rinovimin.
Kjo pasqyron vështirësitë dhe volumet e punës që mbeten për të përfunduar, ndërsa skelat dhe mbetjet e betonit mbeten të pranishme.
