Komisioni i Ankesave dhe Sanksioneve ka rrëzuar kërkesën e PD dhe LSI për pavlefshmërinë e zgejdhjeve në qarkun e Beratit. Pas rinumërimit të 114 kutive, KAS vendosi të miratonte tabelën përfundimtare për Beratin.
Palët kanë kohë të ankimojnë vendimin në Kolegjin Zgjedhor 5 ditë. Ndërkohë, të hënën KAS do të fillojë shqyrtimin e ankesave për qarkun e Durrësit.
“KAS pas diskutoi çështjen në tërësi, bazuar në pikën 1d dhe 2 të Kodit Zgjedhor.
Ndryshimi i vendimit të KQZ për miratimin e tabelës për qarkun Berat për subjektet zgjedhore dhe kandidat për deputet.
Miratimin e tabelës përbmledhëse sipas rezultateve të dala nga 114 qendrave të votimit sa i përket subjekteve politike dhe 2 qendrave të votimit për kandidatët.
Rrëzimi i kërkesës për shpallje të pavlefshme pasi konsiderohet e gjykuar në kërkesën ankimore numër 35 të paraqitur nga LSI për pavlefshmërinë në qarkun e Beratit.
Ky vendim shpallet sot dhe hyn në fuqi menjëherë. Pjesë e këtij vendimi është dhe vendimi i ndërmjetëm të rrëzimit të kërkesës së LSI dhe kërkesës së PD. Kundër këtij vendimi bëhet ankim në Kolegjin Zgjedhor para Gjykatës Administrative brenda 5 ditëve. U shpall sot në Tiranë në datën 21 maj 2021. Seanca mbyllet.
Ditën e hënë fillon shqyrtimi i kërkesave ankimore për qarkun e Durrësit. Relator kolegu Bele”, deklaroi relatori i çështjes në KAS.
