Në kuadër të operacionit të koduar “Teza”, policia ka arrestuar në Rinas pedagogen e Universitetit të Elbasanit, E.G.
Sipas burimeve policore, pedagogia ishte shpallur në kërkim pas dyshimeve se kishte marrë para për t’u dhënë provime studentëve. Ajo u kap në flagrancë gjatë tentativës për të udhëtuar jashtë vendit.
“Specialistët për Hetimin e Krimeve Ekonomike dhe Financiare ndaluan me iniciativë shtetasen E. G., 51 vjeçe, banuese në Elbasan, e cila ishte shpallur në kërkim në kuadër të operacionit të koduar “Teza”, i zhvilluar një javë më parë. Kjo shtetase u kap në hyrje të RSh-së, në PKK Rinas”, njofton policia.
