Një 30-vjeçar ka rënë në prangat e policisë pasi në mjetin e tij lundrues u kapën 400 kliogramë këndë narkotike dhe 100 gr hashash. Arrestimi tij u bë i mundur në operacionin e përbashkët mes Frontex-it, Guardia di Finanza dhe Policisë Shqiptare. Operacioni është mbajtur në kuadër të Marrëveshjes që Ministria e Brendshme ka me Frontex për kontrollin e kufijve detarë.
“Gjatë operacionit të përbashkët u bllokua mjeti lundrues dhe u vu në pranga 30-vjeçari nga Vlora, shtetasi E. I. Gjatë kontrollit në brendësi të mjetit lundrues u gjetën dhe u sekuestruan 400 kilogramë lëndë narkotike cannabis sativa dhe 100 gr hashash”, thuhet në njoftimin e policisë.
Njoftimi i plotë:
Në kuadër të Marrëveshjes ndërmjet Ministrisë së Brendshme dhe Frontex, për kontrollin e kufijëve detar, gjatë një operacioni antidrogë të përbashkët mes Frontex-it, GDF italiane dhe Policisë shqiptare, për parandalimin dhe goditjen e trafiqeve të paligjshme, është bërë e mundur goditja e një tentative për trafik ndërkombëtar të lëndëve narkotike.
Gjatë operacionit të përbashkët u bllokua mjeti lundrues dhe u vu në pranga 30-vjeçari nga Vlora, shtetasi E. I.
Gjatë kontrollit në brendësi të mjetit lundrues u gjetën dhe u sekuestruan 400 kilogramë lëndë narkotike cannabis sativa dhe 100 gr hashash
Policia e Shtetit është e vendosur për të punuar bashkërisht me partnerët, me qëllim parandalimin dhe goditjen e krimit të organizuar dhe trafiqeve të paligjshme
