Një 32-vjeçar është arrestuar në pikën kufitare të Muriqanit, pasi u kap duke kontrabanduar mbi 3 mijë kilogramë kokainë dhe mallra të tjerë drejt Shqipërisë.
Sipas njoftimit nga Policia e Shkodrës, në pranga ka rënë shoferi i furgonit, shtetasi A. Rr., banues në Lushnjë.
Gjatë kontrollit të furgonit në hyrje të Shqipërisë, policia gjeti dhe sekuestroi 3.430 kilogramë kokainë të ndarë në tre pako, si dhe 60 shishe me pije alkoolike dhe një televizor, të cilët dyshohet se ishin të kontrabanduar, pasi nuk dispononin fatura blerjeje.
Policia konfiskoi lëndën narkotike, mallrat e kontrabanduar, automjetin, si dhe dy celularë që i përkisnin të arrestuarit, duke i regjistruar si prova materiale.
Materialet procedurale i janë dërguar Prokurorisë pranë Gjykatës së Shkallës së Parë të Juridiksionit të Përgjithshëm Shkodër për hetime dhe veprime të mëtejshme ligjore.
