Të gjitha shtetet e botës kanë pësuar humbje të mëdha në njerëz për shkak të pandemisë Covid-19.
Italia është një ndër shtetet që ka pësuar humbjet më të mëdha, ku më shumë se tre muaj ka qenë në izolim total e në masa të rrepta sigurie.
Masat lehtësuese kanë qenë të pakta, e kjo për shkak të humbjeve të mëdha të jetëve njerëzore.
Qeveria italiane u bën thirrje vazhdimisht njerëzve që të zbatojnë rregullat në lidhje me vendosjen e maskës e dorezave.
Gjithashtu në Romë janë miratuar dhe masa ndëshkuese për njerëzit e papërgjeshëm, të cilët hedhin në rrugë veshjet mbrojtëse që i kanë përdorur më parë.
Sanksionet përfshijnë një gjobë deri në 500 euro, dhe urdhri vjen direkt nga kryebashkiakja Virginia Raggi.
Ajo u shpreh:
Në këto muaj të një urgjence shëndetësore të lidhur me koronavirusin, operatorët tanë ekologjikë kanë treguar se vahdimisht janë të detyruar të mbledhin doreza dhe maska të përdorura, të hedhura në tokë nga njerëz të papërgjeshëm.
Një sjellje e turpshme e cila, falë kësaj dispozite, do të ndëshkohet ashpër.
E ndërkohë në vendin tonë u raportuan 25 raste të reja të infektuar me koronavirus gjatë 24 orëve të fundit, duke çuar në 33 numrin e personave që kanë humbur betejën me pandeminë.
