Antitrafiku i Doganës në Rinas ka realizuar një operacion të rëndësishëm duke sekuestruar 26 mijë dollarë të cilat kanë qenë të padeklaruara.
Të dhënat e para që na vijnë nga Aeroporti i Rinasit shpjegojnë se sasia e parave të padeklaruara ishin planifikuar që të nxirreshin në të zezë jashtë vendit, por kjo ka qenë e pamundur pasi është pikasur nga antitrafiku.
Shuma e parave dyshohet si i përkiste një shtetasi turk dhe një shtetasi sirian, ndërsa hetimet kanë nisur për të dhënë një version të plotë të ngjarjes.
Policia ka filluar punën intensive për të rënë në ‘gjurmët’ e vërteta të sasisë monetare, ndërsa priten të masa të forta ndaj dy shtetasve të huaj, të cilët tentuan t’i kalonin 26,300 dollarë në mënyrë ilegale nga Shqipëria.
