Një kamion me banane është ndaluar në portin e Durrësit, e cila kishte brenda 150 kg kokainë. Lënda narkotike ishte e ndarë në 14 pako. Dyshohet se kamioni ishte i ngarkuar me banane që vinin nga Ekuadori. Kanë qenë efektivët nga drejtoria e policisë kufirit të cilët e kanë vendosur kontenierin në zonën e rriskut e më pas skanimi nga ku është zbuluar lënda narkotike.
Port, Durrës /Informacion paraprak
Goditet një tjetër rast i tentativës për trafikim të lëndëve narkotike.
Task Forca permanente e përbashkët e përbërë nga Policia Kufitare e Portit të Durrësit, Policia Kriminale e DVP Durrës dhe autoritetet doganore të Portit, evidenton dhe sekuestron deri në këto momente 14 pako me lëndë narkotike të dyshuar kokainë. Shoqërohen në Drejtorinë Vendore të Policisë Durrës dy persona.
Si rezultat i kontrollit të imtësishëm të ushtruar në kontenier, deri tani janë gjetur të fshehura 14 pako të mbushra me lëndë narkotike të dyshuar kokainë. Kontrolli vijon. Në vijim të veprimeve, specialistët për Hetimin e Narkotikëve në Drejtorinë Vendore të Policisë Durrës kanë shoqëruar dy persona për tu pyetur në lidhje me këtë ngjarje.
Grupi hetimor, nën drejtimin e Prokurorisë së Rrethit Gjyqësor Durrës vijon veprimet hetimore për dokumentimin e plotë kësaj veprimtarie kriminale, identifikimin dhe kapjen e personave të tjerë të përfshirë në të.
