Ministrja e Shëndetësisë, Ogerta Manastirliu, gjatë një konference informuese për shtyp, mbi situatën nga pandemia, ka bërë me dije se që prej fillimit të pandemisë e deri më tani, ka 420 shtretër të zënë nga pacientët me Covid.
Ndër të tjera ministrja ka theksuar se 15-20% e shtretërve në spitalet Covid, janë ende të lirë.
Manastirliu foli edhe për rimbursimin e 100% të paketës në bazë të trajtimit ambulator për pacientët e diagnostikuar me Covid-19, si dhe për situatën e krijuar në spitale për shkak të virusit.
Sipas Manastirliut deri më tani në strukturat Covid 1, 2 dhe 3, ka ende 15-20% të shtretërve të lirë. Ndërkohë ka shtuar se spitali covid 4 është gati.
“Aktualisht kemi të konfirmuara me Covid-19, 29837 raste, duke prodhuar një incidencë prej 1042 raste për 100 mijë banorë dhe duke bërë një krahasim me rajonin, incidenca është më e ulët se rajonit dhe ajo e Evropës. Shtimi i rasteve të konfirmuar ka shkaktuar rritje mesatare të rasteve javore, në 518 në javën e 46 të pandemisë.
52% të këtyre rasteve janë femra dhe 48% janë meshkuj. Ka rritje të lehtë rastesh aktive, 526 raste aktive për 100 mijë banorë. Fataletiteti, kemi 646 humbje jete apo 22.7 fatalitete për 100 mijë banorë. Mortaliteti është më i ulët se ne rajon. 15-20% shtretër të lirë në tre struktura si dhe është në gatishmëri struktura e katërt”, ka deklaruar ministrja e Shëndetësisë./GazetaReforma.com/
