Fitorja spektakolare e PSG-së në finalen e Ligës së Kampionëve kundër Interit, me rezultatin e thellë 5:0, nuk u përjetua vetëm si një triumf historik sportiv për kryeqytetin francez. Ndërsa ekipi ngrinte trofeun, në rrugët e Parisit shpërtheu kaosi.
Pavarësisht pranisë së rreth 5,400 efektivëve të policisë të shpërndarë në pika të ndryshme të qytetit, festa degjeneroi në dhunë. Makinat u dogjën, dhe u shënuan përleshje të dhunshme mes grupeve të tifozëve dhe forcave të rendit.
Sipas burimeve nga mediat lokale, situata u përkeqësua edhe më tej kur, përveç huliganëve dhe anëtarëve të grupimeve të tifozëve, në përplasje u përfshinë edhe elementë të krimit të organizuar, të cilët shfrytëzuan kaosin për të sfiduar autoritetet.
Atmosfera e “qytetit të dritës” u errësua nga dhuna dhe shkatërrimi, duke e kthyer një natë që pritej të ishte historike për futbollin francez, në një moment të errët për sigurinë publike.
