Një 23-vjeçar ka rënë në prangat e policisë së Kurbinit, pasi ka qëlluar me armë zjarri në ajër pranë banesës së një familje, duke i kanosur këta të fundit. Shtetasi Daniel Gjeloshi është emri i të arrestuarit, i cili është ndaluar në flagrancë nga forcat e Policisë së Kurbinit. I riu ka qëlluar në ajër me armën e zjarrit automatik, e cila është sekuestruar nga Policia.
Njoftimi i Policisë:
“Kanosi një familje duke qëlluar me armë zjarri në ajër pranë banesës së tyre, reagimi i menjëhershëm dhe profesional i Policisë ka bërë të mundur neutralizimin dhe vënien në pranga të 23-vjeçarit.
Sekuestrohet arma e zjarrit automatik, me të cilën i riu ka qëlluar në ajër. Shërbimet e Komisariatit të Policisë Kurbin, pas një telefonate në Sallën Operative, se në fshatin Adriatik, një shtetas po qëllonte me armë zjarri, menjëherë kanë shkuar në adresën e dhënë, duke parandaluar ngjarjen e mundshme kriminale.
Punonjësit e Policisë kanë bërë të mundur neutralizimin dhe prangosjen e shtetasit Daniel Gjeloshi, i cili për motive të dobëta ka kanosur shtetasit P. N. dhe V. N. (bashkëshortë), banues në Adriatik, Kurbin, duke gjuajtur në ajër me armë zjarri automatik, në afërsi të banesës së tyre”, shkruhej në njoftim.
