Një ndërhyrje e menjëhershme e policisë në fshatin Dukas ka parandaluar një ngjarje kriminale me pasoja të rënda.
Një 45-vjeçar, shtetasi I. R., është arrestuar në flagrancë pasi kishte ushtruar dhunë fizike dhe psikologjike ndaj bashkëjetueses së tij 26-vjeçare, duke e kërcënuar se do ta vriste.
Ngjarja ndodhi në banesën e tyre, ku pas denoncimit të menjëhershëm nga viktima, shërbimet e Policisë së Patosit dhe ato të Komisariatit të Fierit ndërhynë me shpejtësi, duke neutralizuar autorin.
Gjatë kontrollit në banesë, policia gjeti dhe sekuestroi një armë zjarri të llojit kallashnikov, që i dyshuari e mbante pa leje, si dhe municion luftarak.
Materialet e para procedurale janë referuar në Prokurorinë e Fierit për vijimin e hetimeve ndaj të ndaluarit, i cili përballet me disa akuza të rënda, përfshirë dhunë në familje, kanosje dhe armëmbajtje pa leje.
