Një ngjarje e pazakontë ka ndodhur në Durrës, ku një 39-vjeçar ka kanosur me një pistoletë punonjësit e Policisë Bashkiake.
Shtetasi Gentjan Kërçuku, banues në Tiranë, ka tentuar të krijojë frikë duke u prezantuar si oficer i strukturave ligjzbatuese, gjatë një konflikti për arsye të vogla.
Policia ka ndërhyrë menjëherë dhe ka arrestuar në flagrancë Kërçukun.
Gjatë arrestimit është sekuestruar arma e përdorur, një pistoletë sportive.
Materialet procedurale janë dorëzuar në Prokurorinë e Durrësit për hetime të mëtejshme.
