Punëtorët e Uzinës së Naftës në Ballsh kanë protestuar para Prefekturës së Fierit.
Shkak për protestën e tyre janë bërë rrogat e prapambetura dhe sigurimet shoqërore.
Sipas “Shqiptarja.com”, punëtorët prej 2 muajsh nuk kanë marrë rrogat, ndërsa për 6 muajt e fundit nuk u janë derdhur siguracionet.
Një javë më parë ata zhvilluan një takim me prefektin, i cili i kishte premtuar se do t’i merrnin pagat.
Punëtorët shprehen, se deri më sot nuk kanë marrë asnjë përgjigje.
Ata paralajmërojnë se do të përshkallëzojnë protestat dhe do të vijnë në Tiranë.
Situata me rafinerinë e Ballshit është e përsëritur, pas nuk është hera e parë që pagat vonohen.
