Ndërsa ngjarjet e reja zhvillohen vazhdimisht në krizën institucionale të Barcelonës, një pretendim i guximshëm ka dalë nga goja e kandidatit për president Joan Laporta. Laporta e bëri pretendimin gjatë një debati në të cilin ishin të pranishëm edhe kandidatët Toni Freixa dhe Victor Font, por vetëm ai mori temën e të ardhmes së Lionel Messit në klub.
“Unë kam një marrëdhënie të shkëlqyeshme me Leo Messi dhe ai do të shqyrtojë cilindo propozim të bërë” tha Laporta.
“Nëse nuk fitoj, jam i sigurt që Leo nuk do të qëndrojë në Barcelona”.
Avokati ishte i etur ta merrte këtë mesazh për votuesit dhe përsëriti në disa raste pikëpamjen e tij se vetëm presidenca e tij mund ta tundonte Messin të qëndronte.
“Messi do ta peshojë ofertën që ne i bëjmë. Jam i bindur që nëse kandidatët e tjerë fitojnë, Messi nuk do të mbetet në Barcelona. Ai nuk ishte i lumtur gjatë kohës që Freixa ishte në bord.
Laporta e di që Messi do të jetë një temë kryesore në zgjedhjet e 7 Marsit dhe ai pretendon se Argjentinasi nuk ka të bëjë vetëm me paratë.
“Ai nuk drejtohet vetëm nga paratë. Ai dëshiron që një ekip konkurrues të fitojë. Unë jam i sigurt se ai do të dëgjojë ofertën time, ashtu si unë jam i sigurt që nëse dikush tjetër fiton ai do të largohet.”
