Komisioni i Përzgjedhjes ka mbyllur ditën e sotme fazën e intervistave dhe përzgjedhjes së kandidatëve për BKH (Byronë Kombëtare të Hetimit), për të vazhduar me fazën tjetër të konkurrimit.
Në njoftimin zyrtar të publikuar bëhet me dije se kandidatët e kualifikuar, do t’i nënshtrohen Testit të Poligrafit, i cili do të fillojë në datën 9 gusht. Po ashtu faza e Intervistës u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.
Kandidatët e kualifikuar, do të plotësojnë:
Deklaratën për Kontrollin e Figurës, Aneksi A, Shtojca B, Shtojca C, parashikuar në Ligjin nr.95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”.
Deklaratë n e pasurisë dhe interesave private e kandidatit për pozicione të ndryshme në institucionet e sistemit të drejtësisë. Mbi mënyrën e plotësimit të deklaratave të pasurisë mund të informoheni në linkun me udhëzimet e dhëna nga web i ILDKPI, si më poshtë:
https://www.ildkpki.al/udhezues-i-deklaruesve-per-kandidat/
Deklarata për Kontrollin e Figurës dhe Deklarata e pasurisë, të plotësuar, do të dërgohen të skanuara, me e-mail, në adresën [email protected], jo më vonë se data, 06.09.2021.
Faza e Intervistës u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.
