Prej kohësh është bërë e ditur se Floriana Garo do të jetë zëhdënësja e Partisë Demokratike gjatë fushatës për zgjedhjet e 25 prillit. Ish-moderatorja ka bërë disa dalje publike nga selia e PD, ku ka mbajtur komunikata të ndryshme, ndërsa nuk e sheh të pamundur një kandidim si deputete në të ardhmen. E ftuar në „Jo vetëm modë“, emision të cilin dikur e drejtonte vetë, ajo ka thënë se nuk e kishte menduar pozicionimin nëpër lista, por e kishte menduar një mënyrë si mund të jepte kontributin e saj. Megjithatë ajo nuk e ka përjashtuar një kandidim në të ardhmen duke thënë se ka ambiciet e saj, që ndonjëherë nuk arrihen të gjitha.
“Nuk kisha menduar një pozicion nëpër lista, por e kisha menduar se mund të ishte një mënyrë kontributi. Në një mënyrë tjetër kontributi mund të jetë dhe në forma të tjera. Por unë mendoj se kjo formë mua më përshtatet më se unë jam e zonja në dhënien e mesazheve. Ky është fillim, unë kam ardhur për ta provuar dhe për të dhënë një kontribut siguisht. Tani varet se sa do të zgjas, si do të ndihem unë gjatë kësaj kohe. Por sigurisht që kam ambiciet e mia. Por ndonjëherë jo të gjitha ambiciet arrihen,”- ka thënë Garo.
