Mjeku Ilir Alimehmeti, prej disa javësh ka shpallur kandidaturën e tij në Primaret e PD-së dhe synon Bashkinë e Tiranës.
I ftuar në “Radar” Alimehmeti është shprehur se ka hyrë në garë të fituar, por edhe nëse nuk fiton do të mbështes kandidatin fitues për datën 14 maj, pra angazhimi politik nuk do të ndërpritet. Gjithashtu ai ka deklaruar se nëse fiton në Primare do të bëjë gjithçka ndryshe nga ajo që po bën kryetari aktual i bashkisë, Erion Veliaj.
Sipas tij Veliaj i mungon transparenca, ndërshëmëria dhe respekti ndaj qytetarëve të Tiranës. Alimehemeti shton se qytetari e ka të qartë ku i pikon çatia dhe se ai është i gatshëm qëtë dal në një debat publik përballë Veliajt.
“Kam hyrë në garë për të fituar. Nëse nuk fitoj do të mbështes kandidatin fitues për datën 14 maj. Do të vazhdojë angazhimi politik. Po shkojmë me një frymë ekipi përballë së keqes”, tha Alimehmeti. Do bëj të kundërtën totale. Veliajt i mungon transparenca, ndershmëria dhe kuptimi që punohet për qytetarët. Një qytet ndërtohet për qytetarët. Të punosh me njerëzit për njerëzit. Të respektosh të drejtën e votës së njerëzve. Qytetari e ka shumë të qartë se ku i pikon çatia. Do të dilja në nje debat kundrejt Erion Veliajt”, u shpreh Alimehmeti.
