Pak ditë më parë në media, u denoncuan rastet kur koshat e plehrave në Durrës nuk ishin prekur me dorë për disa ditë me radhë nga punonjësit e Bashkisë.
Mbyllja e vend-depozitimit të Porto Romanos, ka bërë që mbetjet e Bashkisë Durrës të dërgohen në Manzë për djegien e mbeturinave.
Mesa duket Bashkia ka gjetur këtë zgjidhje si të vetmen zgjidhje për të pastruar koshat e mbeturinave dhe ambientet pranë tyre, duke i çuar në Manzë për t’i djegur.
Plehrat janë hedhur pranë qendrave të banuara, duke “helmuar” ajrin e banorëve të zonës mbrëmjen e djeshme, duke rrezikuar seriozisht shëndetin e tyre.
Kjo nuk është hera e parë që ndodh një fenomen i tillë në qytetin e Durrësit, ku plehrat dërgohen për t’u djegur në periferi të qytetit, pranë zonave të banuara.
Kjo gjë ka shkaktuar edhe zemërim të banorët e zonës, të cilët mbrëmjen e djeshme kanë dalë në protesta për të mos lejuar kamionët me mbeturina të hynin në zonë.
Bashkisë së Durrësit iu kërkua që t’i çonte mbetjet në landfillin e Sharrës, por për shkak të pamundësisë për të mbuluar kostot, përdori Manzën për djegien e mbeturinave.
Banorët e Manzës po helmohen nga tymi, pasi plehrat janë hedhur shumë pranë banesave të tyre.
Në një video të publikuar nga “Report tv”, duken qartë shtëllungat e tymit si pasojë e djegies së plehrave, e ndërsa banorët janë përplasur me policinë pasi kanë kundërshtuar zjarrfikësen për të shuar zjarrin te mbeturinat.
