Ditën e sotme Kancelari gjerman u takua me kryeministret e Suedisë dhe Finlandës ku theksoi se do të mbështeste vendimin e tyre për t’u anëtarësuar në NATO si dhe paralajmëroi se synimet e presidentit rus nuk janë vetëm në ukrainë.
“Askush nuk mund të supozojë se Rusia nuk do të sulmojë vendet e tjera, duke pasur parasysh shkeljen e ligjit ndërkombëtar në Ukrainë, ” tha kancelari gjerman Olaf Scholz.
Scholz u takua me kryeministret e Suedisë dhe Finlandës, Magdalena Anderson dhe Sana Marin, të cilat, morën pjesë në takimin e kabinetit gjerman për të nisur një takim dy-ditor në Schloss Meseberg mbi situatën e sigurisë në Evropë. Ai tha se Gjermania do të mbështesë Finlandën dhe Suedinë nëse vendosin të anëtarësohen në NATO.
Sipas kancelaritt, pushtimi rus i Ukrainës theu rendin pas Luftës së Dytë Botërore dhe detyroi Evropën të forconte strategjinë e saj të mbrojtjes. Në një intervistë për revistën Stern, Scholz thuhet se ka thënë se politika e presidentit rus Vladimir Putin ishte imperialiste dhe i konsideronte vendet fqinje si oborrin e Rusisë.
“Politika e Putinit është imperialiste. Ai dëshiron të zgjerojë territorin e tij dhe të shtyjë kufijtë me forcë. Po përpiqet në mënyrë të dëshpëruar të rivendosë rëndësinë e vjetër të Rusisë në një botë që ka ndryshuar”.-tha Scholz.
