Kryeministri Edi Rama është shprehur ditën e sotme se duke u bazuar në përgjigjet që janë dhënë në platformën e Këshillimit Kombëtar, shumë shpejt do të legalizohet kanabisi për arsye mjekësore.
Ndërkohë që Rama e konsideroi këtë si hapjen e një fronti të ri pune, eksperti i ekonomisë, Zef Preçi nuk mendon aspak se mund të ndikojë në rritjen ekonomike.
Preçi, i cili ka folur për “Fax News” në lidhje pyetjen e gjashtë të Këshillimit Kombëtar, për legalizmin e kanabisit në Shqipëri për qëllime mjekësore dhe ku më shumë se 60% e shqiptarëve ishin përgjigjur pozitivisht. Preçi tha klima është e favorshme për legalizimin e kanabisit por ai u shpreh kundër, duke e konsiderur të dëmshëm.
Ndër të tjera ai tha se as në Shqipëri dhe në asnjë vend tjetër kultivimi i kanabisit nuk mund të jetë një zgjidhje përfundimtare per varfërinë.
“Është rritur varfëria, dhjetë veta e 20 veta që kanë mbështetje politike janë pasuruar dhe modeli social që i është ofruar rinisë nuk është i duhuri. As Rama dhe ministrat nuk shpjegojnë se çfarë ka ndodhur nga viti 2010, këto cmime do të rriteshin edhe po të mos ndodhte lufta në Ukrainë.
Duhet të kuptojmë që ide të tilla kanë një dëm shumë të madh sepse nxisin individë, grupe. Në vend ku ka problem të shumta mbi tokën, shteti ynë ka shënuar hapa pas. Në këtë këndvështrim gjejnë mbështetje por janë të parealizushme , të dëmshme nga pikëpamja shoqërore, e shoh si një vazhdim i propagandës dhe mban gjallë shpresën se dicka do ndryshojë.
As për ne dhe asnjë vend smund të jetë kultivimi i kanabisit një zgjidhje për varfërinë. Jam totalisht kundër dhe e shoh të dëmshëm debatin rreth kësaj teme për shoqërinë tonë. Ekonomia jonë është e dobët, aspak konkurrencë”.
Kur mund të legalizohet kanabisi?
“Nuk ka kohë normale as pas 20 vitesh, se ekonomia formale është 30-50 përqind, kur të jetë 2 %, atëherë. Bota sot është e tejngopur, Shqipëria është kërcënim për Evropën në lidhje me drogërat e buta
