Burgjet supozohet të jenë vendet me sigurinë më të lartë, megjithatë ai i Peqinit duket se nuk është treguar mjaftueshëm i vëmendshëm.
Ditën e sotme është raportuar se në këtë njësi është sekuestruar një sasi e vogël kanabisi, brenda ambienteve të qelive.
Bëhet fjalë për rreth 140 gramë lëndë, e cila dyshohet se ka përfunduar brenda ambienteve të burgut nga një punonjës i shërbimit sanitar.
Policia tashmë e ka marrë në pyetje punonjësin, por nuk kemi ende një version zyrtar ose një deklaratë zyrtare në të cilën vërtetohen dyshimet primare të tyre.
Rasti është raportuar në Shërbimin e Kontrollit të Burgjeve SHKB, e cila ka nisur hetimet.
