Janë publikuar disa herë raste kur qendra të masazhit në Tiranë përdoren edhe si qendër prostitucioni e ofrojnë favore seksuale. Një 28-vjeçare ka rrëfyer eksperiencën e saj në një nga këto qëndra për emisionin “Shqipëria live” dhe i ka këshilluar vajzat e reja të mos bien pre e mendimevese nuk ka zgjidhje
“U futa aty, dhe pastaj mezi dola. Unë kam studiuar për psikologji, doja punë por ishte shumë e vështirë. Duke kërkuar punë, në fillim ishte një intervistë e thjeshtë, më thanë do të mësohesh. Pas disa ditësh kuptova si funksiononte. Rroga bazë ishte 300, por nëse bënim shërbime shtesë (favore seksuale) paguhemi më shumë, jam paguar deri në treçerekun e rrogës vetëm për një herë me një klient”, ka e reja.
28-vjeçarja ka treguar më tej se për çdo gjë që ndodhte aty pronarja e qendrës së masazhit ishte në dijeni.
“Menaxherja, pronarja ishte në dijeni, klientët prandaj vinin aty se e dinin. Unë kam qenë e detyruar, kam vazhduar kështu për 6 muaj. Aty ishin goxha vajza dhe ndërroheshin shpesh. Mund të kenë qenë rreth moshës 21-25 vjeçe. Kishte vajza që ishin shumë të kënaqura me punën, as që e mendonin të largoheshin”, tregoi ajo.
E reja rrëfeu se klientët filluan t’i kërkonin favore seksuale edhe jashtë punës dhe kjo ishte arsyeja që e shtyu të tërhiqej. Ajo ka treguar se nuk i kishte treguar prinërve për këtë gjë dhe kishte frikë se mos ata e kuptonin.
“Ka qenë shumë e vështirë të shkëputesha, por nuk vazhdoja dot më. Kisha turp të dilja se ndeshesha me ata njerëz, më kërkonin gjëra edhe jashtë pune. Ka pasur shumë që donin kontakte edhe jashtë, disa më flisnin ashpër, të impononin sepse mendonim se ishim të gatshme të bënim çdo gjë. Prindërve nuk u thashë kurrë dhe kisha frikë mos e kuptonin”, tha 28-vjeçarja.
Ajo i bëri apel të gjitha vajzave të reja që të ndjekin ëndrrat e të mos bëhen pre e mendimeve se nuk ka më zgjidhje.
“Këtë punë nuk do t’ia rekomandoja askujt. Të mos bëhen pre e mendimeve se nuk ka më një zgjidhje, të ndjekin ëndrrat dhe të mos bien pre e këtyre punëve”, përfundoi 28-vjeçarja.
