Pas daljes në pension nga artet marciale, Khabib Nurmagomedov ëndërron të bëhet një futbollist profesionist, dhe madje për këtë ka folur me “mikun e mirë” Cristiano Ronaldo. Kampioni aktual i peshave të lehta UFC ka qenë i zënë duke punuar në një numër sipërmarrjesh të biznesit, pasi mori vendimin për t’u larguar përgjithmonë nga ndeshjet.
Nurmagomedov, 32 vjeç, ka ende kohë për dashurinë e tij të madhe, për futbollin. Duke folur këtë javë në një intervistë për Match TV në Rusi, Nurmagomedov tha:
Të luash futboll në një nivel profesional është një ëndërr e fëmijërisë. Sigurisht, unë kam një dëshirë të tillë. Futbolli është mbreti i sportit, në fund të fundit. Me kë nuk e kam diskutuar këtë. Unë kam folur edhe me presidentin e Uefa Aleksander Ceferin, me pronarin e Paris Saint-Germain, po dhe madje edhe me Cristiano Ronaldon.
Nurmagomedov dhe Ronaldo kanë qenë prej kohësh miq që janë takuar shumë herë në Dubai. Ndërkohë i pyetur se ku do të donte të luante, Nurmagomedov përsëriti se dëshira e tij është në një klub tjetër të profilit të lartë.
Spartak, Moska natyrisht janë të shkëlqyer, por ky është niveli i brendshëm. Klubi im i ëndrrave është Real Madrid. Në fakt, ndeshja e parë që mbaj mend duke parë 90 minuta të plota, ishte Reali kundër Juventusit në 1998 finalet e Ligës së Kampionëve. Më kujtohet Predrag Mijatovic shënoi nga një pozicion jashtë loje, por ne prapë fituam.
