Prokurorja Elisabeta Imeraj ka kaluar me sukses “Vetting”-un. KPK (Komisioni i Pavarur i Kualifikimit) ka konfirmuar sot në detyrë prokuroren Imeraj, e cila është drejtuese e Prokurorisë së Tiranës. Vendimi u dha nga trupa gjykuese e përbërë nga Olsi Komici, Roland Ilia dhe Suela Zhegu.
Prokurorja Elizabeta Imeraj është zgjedhur nga KLP (Këshilli i Lartë i Prokurorisë) në krye të Prokurorisë pranë Gjykatës së Shkallës së Parë Tiranë për një mandat 3 vjeçar.
Rregullorja e miratuar nga KLP për procedurën e ngritjes në detyrë, parashikon se brenda 7 ditëve nga vendimi për renditjen e kandidatëve për pozicionin e drejtuesit e prokurorisē, e cila është zhvilluar në seancën plenare të datës 18.03.2021.
Elisabeta Imeraj përfundoi Shkollën e Magjistraturës në vitin 2005 dhe punoi për 13 vite si prokurore në Prokurorinë e Krimeve të Rënda. Në gusht 2018, ajo u komandua si drejtuese e Prokurorisë së Tiranës, ndërkohë që kishte kandiduar për t’u bërë pjesë e Prokurorisë së Posaçme, SPAK.
Imeraj tashmë do të vazhdojë detyrën e saj si drejtuese e Prokurorisë së Tiranës, për tre vitet e ardhshme. Që me hyrjen në fuqi të “Vetting”-ut, ku po hetohen të gjithë prokurorët dhe gjyqtarët, ka pasur dhe raste ku janë konstatuar raste korrupsioni dhe fshehje të pasurisë, çka ka bërë pezullimin dhe shkarkimin e disa personave, por në rastin e Elizabeta Imerajt, gjithçka është në rregull dhe do të vazhdojë të kryejë funksionin e saj në krye të Gjykatës së Shkallës së Parë në Tiranë.
