Kryebashkiaku i Tiranës, Erion Veliaj, u arrestua të hënën me kërkesë të SPAK, për dyshime lidhur me korrupsionin dhe pastrimin e parave.
Arrestimi erdhi pas një kallëzimi të bërë nga një person, Nesti Angoni, i cili ka akuzuar Veliajn për lidhje të dyshimta me kompani dhe individë të tjerë, duke përfshirë marrëdhënie me Gentian Sulën, pronar të kompanisë “AGI CONS”.
Kallëzimi përmend një sërë transaksionesh të dyshimta, përfshirë blerjen e një pasurie të paluajtshme nga Veliaj, një banesë në kompleksin “Kodra e Diellit” në pronësi të Sula.
Pas kësaj, bashkëshortja e Sulës u emërua zëvendësministre. Gjithashtu, Angoni përmend ndihmën që kompania “AGI CONS” dha në ndërtimin e Teatrit Kombëtar, si dhe pronësinë e Veliajt në tre vila në Kavajë, ndërtuar nga kjo kompani.
Kallëzuesi dyshon për burimin e fondeve të Veliajt, duke kërkuar hetime për blerjet, pagesat dhe lejet e ndërtimit.
Hetimet e SPAK kanë zbuluar se Nesti Angoni nuk rezulton të ketë një identitet të regjistruar në gjendjen civile.
Prokuroria ka nisur hetime për të verifikuar këto akuza dhe për të shqyrtuar ligjshmërinë e veprimeve të Veliajt.
