Sali Berisha pritet të dëshmojë në SPAK këtë të martë, më 10 qershor, pas një thirrjeje zyrtare të bërë nga prokurori Elvin Gjokaj, në kuadër të një kallëzimi të dorëzuar nga gjyqtarja e GJKKO-së, Irena Gjoka.
Lajmi është konfirmuar nga avokati i tij, Genc Gjokutaj, i cili bëri me dije se Berisha është thirrur në cilësinë e një personi që ka dijeni për rrethana të një çështjeje që aktualisht është në fazën paraprake të hetimit.
Sipas njoftimit zyrtar, Berisha duhet të paraqitet në orën 10:00 në ambientet e Byrosë Kombëtare të Hetimit, ku do të merret në pyetje nga hetuesi Ardit Neli.
Në urdhërin e SPAK theksohet gjithashtu se mosparaqitja mund të sjellë pasoja ligjore, përfshirë shoqërimin e detyruar.
