Disa ditë më parë në media qarkulloi lajmi se ministri i Mjedisit, Blendi Klosi kishte pirë kafe me gazetarin Fahri Balliun. Ky i fundit njihet si një gazetar opozitar.
Ky takim është komentuar nga gazetari Ylli Dylgjeri. Ky i fundit shkruan se edhe ai ka pirë kafe me Klosin.
Ai e quan veten me ironi, armik, pasi Rama e dëboi nga partia dhe ministria. Madje gazetari e vazhdon ironinë duke thënë se Blendi e ka zbutur luftën e klasave dhe thelluar zullumin.
Sipas tij Rilindja e sotme, ato që nuk janë rilindas i trajton si armiq. Madje edhe postimin e tij e mbyll me fjalë ironizuese për kryeministrin Edi Rama.
Po, po, e kam pirë që mu bëftë haram! Ka pire kafe me mua armikun, që Rama më zboi nga fillimisht nga partia e me pas nga Ministria. Blendi ka pirë kafe me opozitarin, tradhtarin, gazetarin që na mori fytyren në media e portale! Blendi ka zbutur luftën e klasave (në këtë kohë kjo quhet lufte e glasave).
Pra, Blendi nuk ka pirë kafe vetem me Fahri Balliun armikun. Blendi e ka thelluar zullumin. Ky është jo vetëm kashillëk, por edhe revizionim i vijës së PS. Pas kësaj do të duhet jo vetëm të reflektojë, por edhe ta vjelli atë kafe që ka pirë, të ndërrojë edhe shtëpinë e krushkut që është komshi me mua.
Të ndërrojë rrugë, të harrojë, të demaskojë. Blendi duhet t’i flasë vetëm Rilindasve që ka sot përreth. Të tjerët janë armiq. Kjo është luftë klasash. Kemi mësuar nga materializmi që ajo herë ulet e herë ngrihet. Po kujt ti thuash? Rames i rri gjithmone i rri ngritur…lufta!Kjo është Rilindja sot”, shkruan në postimin e tij gazetari Ylli Dylgjeri.
