Ndërsa ndeshja përballë rivalit më të madh është afër, Juventusi nuk po përjeton një periudhë jo të mirë. Pas infektimit me Covid-19 të Alex Sandros, Cuadrado dhe De Ligt, bardhezinjtë tani duhet të merren me dëmtimet që detyruan McKennie dhe Dybala të largoheshin herët në ndeshjen kundër Sassuolos.
Gjatë ndeshjes së djeshme, argjentinasi Dybala u dëmtua në shkallën e dytë të ligamentit të gjurit të majtë dhe do jetë jashtë fushës së gjelbër për 15-20 ditët e ardhshme. Ndërsa dy mesfushorët e tjerë të lënduar po ashtu dje nuk kanë ndonjë problem serioz dhe do vazhdojnë të trajtohen në ditët në vijim, por mbetet në pikëpyetje prezenca e tyre në ndeshjen e të dielës.
Kundër Inter është e sigurt mungesa e De Ligt, i rezultuar së fundmi me COVID-19 ndërsa për Cuadrado dhe Alex Sandro kërkohet një tampon negativa përpara ditës së premte. Në këtë mënyrë teknikut Andrea Pirlo i duhet të rimendojë edhe njëherë lojtarët që do të zbresë në fushë pasi me kaq shumë mungesa do të jetë e vështirë. Ndërsa lajmi i mirë për skuadrën e Pirlon është rikthimi i Alvaro Moratas, që nënkupton se Cristiano Ronaldo nuk do jetë sulmuesi i vetëm në skuadër dhe kjo do i japë më shumë shanse bardhezinje për një fitore.
