Lidhjet mes Juventusit dhe mbrojtësit shqiptar, Ardian Ismajli, duket se nuk janë thjesht thashetheme, por një pistë konkrete transferimi.
Pavarësisht se Ismajli nuk është i vetmi emër që “Zonja e Vjetër” po ndjek në tregun e transferimeve, ai është një opsion i pëlqyer nga drejtuesit e Juventusit për disa arsye të rëndësishme.
Në kushte emergjente, pas dëmtimit të Bremer, Juventus është duke kërkuar një mbrojtës me eksperiencë që e njeh mirë Serie A dhe që mund të sigurojë stabilitet në mbrojtje. Një faktor tjetër që e bën Ismajlin një kandidat të preferuar është kostoja e ulët e tij, një avantazh për një klub që po përpiqet të menaxhojë mirë financat e tij.
Në këto momente po shohin përreth, merkato e janarit është shumë specifike. Po vlerësojmë disa profile të ndryshme, por po presim momentin e duhur. Nuk kemi kontaktuar ende me askënd, por duhet të jetë një lojtar i disponueshëm, i gatshëm të sakrifikohet për një skuadër të rëndësishme si Juventus- specifikoi Guintoli, drejtori sportiv i Juventusit.
