Juventus ka triumfuar në derbin kundër Napolit, duke kapur kryesimin në tabelë, së paku deri sa Interi të luajë ndeshjen e kësaj jave ndaj Udineses. Ekipi i drejtuar nga Massimiliano Allegri ka regjistruar fitoren e dytë në rresht, duke fituar me rezultatin minimal 1:0 në ndeshjen e zhvilluar në “Allianz Stadium” gjatë javës së 15-të në Serie A. Federico Gatti shënoi golin vendimtar në minutën 51. Në këtë moment, Juventus ka 36 pikë dhe udhëheq tabelën, një pikë para Interit, i cili do të luajë ndaj Udineses nesër në “Guiseppe Meazza”. Napoli renditet në vendin e pestë me 24 pikë, megjithatë goli i Victor Osimhen (minuta 71) u anulua për pozitë jashtë loje.
QSUT pa energji elektrike, mjeku Neli Demi: U kalua vija e kuqe, ky është krim institucional
Mjeku psikiatër Neli Demi ka reaguar ashpër në rrjetet sociale pas ndërprerjes së energjisë elektrike në Qendrën Spitalore Universitare “Nënë...
