Italia po përballet me një valë të dytë infektimesh, pasi numri i të prekurve me Covid-19 dhe viktimave sa vjen e rritet.
Për këtë qeveria Conte ka rikthyer masat kufizuese për rajonet më të prekura, por edhe ka rritur ndërgjegjësimin te njerëzit me anë të figurave të njohura ku mes tyre është edhe futbollisti suedez, që luan me Milanin Zlatan Ibrahimovic.
Në videon e shpërndarë në rrjetet sociale në bashkëpunim me rajonin e Lombardisë i cili është edhe më i prekuri, Zlatan thotë se ai e kaloi virusin por jo të gjithë janë si ai prandaj duhen respektuar rregullat.
“Virusi më sfidoi dhe unë fitova. Por ju nuk jeni Zlatan, mos e sfidoni virusin. Përdorni kokën, respektoni rregullat, distancën dhe maskën, gjithmonë. Ne fitojmë”, është mesazhi i sulmuesit të Milan.
https://twitter.com/carlo_spinola/status/1321771635058290688?s=20
