Jozefina Topalli ka zbuluar ditën e sotme emrta e kandidatëve për deputet në qarkun e Tiranës me të cilët partia e saj, Lëvizja për Ndryshim do të përfaqsohet në zgjedhjet e 25 prillit. Ish-kryetarja e Kuvendit ka thënë se ndryshimi nuk vjen duke pritur, por duhet të jemi vetë ne aa që e sjellim atë.
“Ndryshimi nuk vjen nëse presim për një kohë tjetër, ndryshimi që kërkojmë të ndjekim jemi vetë ne. Thonë që koha i ndryshon vetë gjërat, por duhet të jemi ne vetë ta bëjmë atë. Të bëjmë atë që kemi në dorë, në vend që të ankohemi për atë që nuk mundemi.”
Topalli ka sulmuar edhe Ramën, Bashën e Metën duke thënë se ata janë përgjegjës që Shqipëria nuk ka shpresë. Ajo e ka cilësuar listën e Lëvizjes për Ndryshim më të mirën e tre dekadave.
Ata të tre janë përgjegjësit që në Shqipëri s’ka shpresë dhe një të djathtë reale. Përgjegjësit e polarizimit politik dhe ekonomik të Shqipërisë. Ftesa jonë nuk është për ato që nuk ndryshojnë mendje, por ftojmë mendje hapurit, të ndershmit, çdo të ri, prind që duan t’i kthejnë dinjitetin çdo shqiptari. Kjo është lista më e mirë e tre dekadave me profesionistë të nderuar, mjekë e të rinj të shkëlqyer. Janë të pakorruptuar, dinjitozë, njerëz me kurajo”
Gjatë prezantimit të listës Topalli tha se do te ketë përfaqsuese nga të gjitha fushat dhe nga të gjitha moshat.
“Kam kënaqësi që kam në këtë listë të parë, përfaqësues nga të gjitha fushat dhe të gjitha moshat.”, tha Topalli.
LISTA
Elida Hoxha, pedagoge
Robert Çitozi, profesor
Lorenc Radovani, pedagog
Meri Krisaq Lalai, pedagoge/redaktore
Stela Jakova, menaxhim biznesi
Aben Basho, pedagog/botues
Lek Negri, pedagog
Franceska Memia
Jonuz Osman Agaj
Polikron Polluçi, mjek
Daniela Kavaja
