Kryeministri britanik Boris Johnson ka paralajmëruar liderët e G-20 se nëse përpjekjet për klimën dështojnë edhe në samitin COP26 që fillon në Glasgow, atëherë gjithë puna ka dështuar
Kryeministri thotë se vetëm 12 anëtarë të G20 janë zotuar të arrijnë zero neto deri në vitin 2050 ose më herët. Kina, emetuesi më i madh në botë, dhe India, emetuesi i tretë më i madh në botë, nuk janë mes tyre, megjithëse Johnson nuk i emëroi drejtpërdrejt.
Thuajse gjysma e anëtarëve të G20 kanë paraqitur plane më ambicioze për uljen e karbonit përpara COP, tha ai, dhe vendet e pasura gjithashtu kanë dështuar të përmbushin angazhimin për të dhënë 100 miliardë paund në vit për vendet në zhvillim deri në vitin 2020. Ai thotë që COP26 të mos dështojë këto gjëra duhet të ndryshojnë.
“Vendet më përgjegjëse për emetimet historike dhe të sotme nuk po bëjnë ende pjesën e tyre të duhur të punës”, u tha Johnson gazetarëve pas një samiti të Grupit 20 në Romë, përpara se të nidej për në Glasgow për takimin COP26.
“Nëse do të parandalojmë që COP26 të mos jetë një dështim, atëherë kjo duhet të ndryshojë dhe duhet të jem i qartë se nëse Glasgow dështon, atëherë e gjithë puna dështon”, ka thënë Johnson.
